وش افضل ميزان

اخوي معليك من العضيب وطقته الميزان الكويس الي تنزل معه الحفره وتحشره وانت واقف فوق راسه 
حتى العضيب وطقته  يغلطون ويخربون فـ انت رح اقرب ميزان ولا تبين له جانب الموده والتعاطف 
قوله انا رجال راعي خطوط ما ابي هرقله واصوات وحذفيه ومرر اكثر من محل قبل كل شي وقيم 
الاسعار وخذ المتوسط منها لان لو نصحتك تروح عند فلان مثلا وهذا فلان ما اشتغل لك صح 
رح ترجع وتحط اللوم علي انا فـ  ريح راسك كلهم مجربين المهنه في الورش انت عليك 
بالملاحظه والوقف معه واهم شي الفحص وتعرف وش في السياره وووش مافيها قبل ماتفكك لتكون على بينه 
مع الي بيشتغل فيها ماهوب يوزن  لك مقص بعدين يقول لك لازم سحب كمر 
ولا يوزن لك وبعدها يقول لك جلده المقص السفلي يمين خربانه وترى الركبه الي فوق يسار يبغالها تغيير يا عمنا؟؟؟؟؟
انتبه ترى هذي حركاتهم لان السياره خلاص تحت يده ويعرف ان ما فيك شده تروح مكان ثاني فيلعب لعبته 

 وبالتوفيق 

العضيب لعبوا بحسبة ابو السيارة ,, كان فيها حذفه فوق ال 90
وزنتها عندهم يمين بالله الحين ماتدري الحذفة مره يمين ومره يسار وثلاث مرات سويتها ولا عرفوا يرجعونها مثل اول

انحش عن اللعبة اللي اسمها العضيب ماخذ سمعة على فشل.

طيب فيه غيره في السوق ....

افضل ميزان بالرياض ميزان اليرموك القديم بالصناعيه القديمه .. ومديرهم مصري اسمه ابو احمد .. انا مااشتغل الا عندهم شغلهم مره ممتاز ويعطوك ضمان لمدة شهر .. واسعارهم حليوه

ميزان اليرموك صناعية 18
يمدحونه الناس بس ماجربت صراحه

مبارك عليكم العشر
من تجربة لاتتعدى ميزان المجد واليرموك .. اما العضيب لاتمر من جنبة ابد.. ترا الشغلة تاجير الموقع على السوريين وهم 
يقومون بتاجير الاقسام على بعض..  والعضيب اسم بس يعني شغل تستر

انا اتعامل مع اليرموك فرع الربوة واشوفهم ممتازين

وين موقعه بالضبط الي في الربوه