أضف سؤال أو موضوع جديد          

موقف ونصيحه لقائدين السيارات

up 25 down 8
أنيقوه 1113
قبل 6 سنه و 9 شهر



مساء الدفى والحنان وشبت النار والفنجال الاشقر

تحسبون انيق بالبر :(  ؟ تراه على فراشه في المقلط ههههههه لايضحك عليكم تروه نصاب خخخخ




ايوه يامرحبا يااهلا وسهلا بالشباب مشتاقين لكم من اكبركم إلى اصغركم حتى المشرف مشتاق له صديقي حبيب قلبي المشرف 


لايحظر عضويتنا ذلحين هههههههه دعابه دعابه 
والله اشتقت لكم صدق ويعلم الله اني احببببكم فالله تخيلوا من يوم فتح المنتدى من سنتين وحنا مع بعض يوميا إلى الحين 
لاتستغربون إذا حبيتكم مووت :) 




الله لايحرمنا منكم 




نبدأ موضوعنا 
طبعا موقف صغيروون حصل لي هاليومين 
لاحظت أن المرور حريصين هالايام وتفاتيشهم كثيره 
ومتواجدين عند الاشارات بشكل مكثف 
واحسن شيء يوم يحط تفتيش بعد اللفه هههههه انواع الخلعات والقروشات ياولد وين الحزام 
واحسن شيء يوم الحزام الحيوان يعلق عليك مو راضي ينسحب هههههه وانت فاك الطاره تبي تسويه والسياره تمشي يميييين هههههه وتردها يسار 
والمشكله الشماغ مرمي فالمرتبه ورى والطاقيه وسخه لونها بيج ههههه لؤلؤي ههههه 
أنا مره كنت لابس بدله لزووم الدلع ههههه 
ومريت تفتيش ومن الخلعه بغيت ألبس الشماغ على البدله هههههههه اكيد هذي ماتضحك هههههه اضحكوا اضحكوا هع هع هع  ههههه




باقي ماقلت الموقف حقي ههههه هذا تمهيد قبل شوي 
الموقف هو 
كنت طالع البقاله اشتري اغراض للبيت  يعني لبن وكرولكس زبادي وصابون لوكس وشابوره وديتول وفكس زي كذا يعني
المهم 
شريت الاغراض 
وجيت راجع البيت وتفاجأة بوجود تفتيش ههههههه 
بطاقاتي كلها بالبيت وراسي مقرع مافي شماغ ولابس ثوب النوم متوسخ وريحته كشنه ومكبوب عليه شطه وجزء من القميص قاسي مثل القماش الاماراتي لأن انكب عليه حليب ههههه
وحالتي حاله 
قلت مالك إلا حزام الامان هو الامل الوحيد بعد الله 
المهم ووصلت عند العسكري ناظر فيني وأنا كلي براءة وحب وحنان 
قال لي وين اثباتك والرخصه ؟
هنا صرت طماطم 
هاه موب معاي يالغالي 
اول جنننب جننب 
ابشر ابشر هههههههه قلت له يابعد قلبي قلت يمكن تأثر عليه يخليني امشي
هههههه مافي امل جنبت وانا زي الهاذا ههههه اييه اسلموا 
ورحت للضابط قال انت وش عندك قلت نسيت بطاقاتي 
قال ليش ماتاخذها معك !!! 
قلت ياخي رحت آخذ زبادي وصامولي ومادريت انكم سويتوا تفتيش 
يعني بالله عليك اروح البقاله اخذ بطاقاتي معي 
ويييييين سلالالالالالاماات ههههههه
ثم ضحك طويل العمر وقال اذهب يافتى ولا عاد تنسى بطاقاتك لا ألمخك بمخالفه الحين 
ثم ذهبت وانا كلي شوق وحنين للبيت هههههههه 




الخلاصه :
١- خذ اثباتاتك ويين ماتروح حتى لو تبغى الحمام خذ الرخصه والاستماره ههههههه اجعلها في قلبك ههههه 
٢- خل منظرك لائق وخل عنك الهياط ترى المحترم يمشونه 




واخيرا انتهينا 




وحبيت اقول لكم شيء 
ترى عضويتي ( أنيق ) كنسلتها مسحت أمها وابوها هههههه
حطيت عليها رقم سري صعب وضيعته متعمد 
عشان الحقد والحسد يروح 
حنا اخوان ياشباب مو معقوله نحسد بعض عشان ارقام لاتشبع ولاتغني من جوع 
المشكله نقاطي الي بعضوية أنيق كلها من تقييمكم يعني ماشريتها بفلوس عشان تحسدوننا عليها 
انتم الي اعطيتوني يعني مو مني 
وترى ما ابغى ولا لايك رجااااءً رجاااءً  رجاااءً
نبغى احترام وحب وحنان ومشاعر  شوفوا تنازلت وضحيت ب ١٦ الف نقطه كله لعيونكم وعشان ماتزعلون علي والله احبكم 
وهذي عضويه جديده ماعندي غيرها
وأي واحد زعلان مني يسامحني

تحياتي لكم
& أنيق & 










إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


أنا صار معي موقف يوم كنت بثاني متوسط..
من يومها وبطاقاتي ما ينزلن من مخباي..


up 1 down 0
أبو درعان 522
قبل 6 سنه و 9 شهر



هلااا والله بالدب 
أول شي الله يوفقك في اختباراتك 
والشباب اللي يختبرون جميع يارب 

واخبارك يلد وش عندك تالي الليل منزل موضوع هنيا ههههههههه 
لا يكون **** ههههههههههههههه امزح امزح 

هذه أثار الحيليب وماذالك 

والتفاتيش هالايام الصباح بس 
بعد الظهر ماعندك أحد عشان التفحيط وكذا 

ورح ذاكر بس خل عنك المنتدى لا اجي امردغك بالمقلط هههههههههههه

لبى قلبك والله يالدب لك وحشه


up 1 down 0
a.h.y 1117
قبل 6 سنه و 9 شهر



وين جيب اللكزز ههههههههههههههه


up 3 down 0
وجه البومه 202
قبل 6 سنه و 9 شهر



ياهلا بالشباب كلن بأسمه 
ولكم احلى لايك 




a.h.y : ههههههههههه  الله يهديك بس ههههههه تعوذ من الشيطان واحسن الظن هههههه 
وانا الحمد لله خلصت اختباراتي قبل امس 
لأني جامعي بكارليوس هههههه
الحين فاضي لمدة شهر اجازه 
يعني راح نبسطكم بالمواضيع الحلوه 

وكل الشوق لك يا a.h.y


up 2 down 0
أنيقوه 1113
قبل 6 سنه و 9 شهر



الجيب اللكزس راح مع العضويه القديمه هههههههه 



up 2 down 0
أنيقوه 1113
قبل 6 سنه و 9 شهر



أنيق وش فيك على العضويه الثانيه 

يالحساس ترا ابراهيم يمزح ماتعرف مزحه دفش هههههههه

احسب عندك سالفه 
طلع ابراهيم وانت هههههههههههههههه


اتفل الشيطان ورجع عضويتك توك مشارك منها قبل ساعتين ^_*

وبعدين مالقيت الا ابراهيم يدور ويحسد على النقاط 
مادرى عنك ولا عن النقاط


يالحساس لاتدقق كثير ترا يمزح 


up 4 down 0
a.h.y 1117
قبل 6 سنه و 9 شهر



هههههههههههههههههههههههههههههههه احلى شي عجبني بلموضوع : ثم ضحك طويل العمر وقال اذهب يافتى ولا عاد تنسى بطاقاتك لا ألمخك بمخالفه الحين
ثم ذهبت وانا كلي شوق وحنين للبيت هههههههه


up 4 down 0
مهراس الزهراني 1338
قبل 6 سنه و 9 شهر



انت انيق من جد انيق عنده نقاط واجد 


up 1 down 0
عمر 909 33
قبل 6 سنه و 9 شهر



تصدق أنا ما أطلع من البيت إلا ومعي الجوال والمحفظة حتى وأنا رايح البقالة والمسجد

ما تدري سبحان الله واحد يحك السيارة وتخيل ما معك جوال ولا اثبات

إذا أنت دائما تنسى حط صورة للرخصة والاستمارة والبطاقة في السيارة


up 2 down 0
أبو عبادة 4850
قبل 6 سنه و 9 شهر



والله ي اخوي انيق العسكر كلهم مو مثل بعض
تعاا جرب تفتش امن الطرق بطريق الطايف وانت داخل ع الطايف
تمشي بادب ما يفيد
احترام ماااا يفيد
تكفى ما يفيد
اقولك حسبي الله عليك هات المخالفه خلاص انا ابغى مخالفه

يخي مذله اللي قاعد يصير .. و المصيبه اذا كان بزر توه مجند يوووووه
هذا لو ما البدله اللي عليه .. ترى يجوز قتله


بخصوص موقفك ياما صارت فيني كثيييييير
و سبحان الله .. ربي معي
باحكيلك قصه صارت فيني و شوف كيف سبحان الله
عائلة واحد من اصحاب ابوي .. ابوهم توفى الله يرحمه و يغفر له
عنده ولد مو عبيط من العيار الثقيل .. لا عبيط شويه بس
صار له حادث بطريق الرياض بس العكس وانت متجه ع الطايف
الولد لو تشوفه تقول هذا عمره 25سنه لان جسمه كبير بس الاساس
عمره ما يتجاوز ال16سنه
دق ع امه و امه لاشعوريا دقت على ابوي .. وقتها ابوي في الرياض
على طول دق ابوي علي و رحت مسرع هناك
هو و اهله كلهم بالسياره و الحادث راح جنب السواق بالجنب كله
سبحان ربك والله وحده من اخواته شعره و اضمن لها الموت
لكن ربك كريم
الشي العجيب يوم وصلت العالم كلها جاين يتفرجون و اللي قاعد يصور
و اللي وصل لمرحلة القذاره يتفرج بمحارم الناس
نزلت تطمنت على اهله و كلهم بخير و اخذته و دخلتهم سيارتي
و دقيت ع المرور و الاسعاف يمكن في احد يشتكي من شي
تخيلو جيت بعد الحادث ب 10دقايق .. ولا احد دق ع المرور ولا شي
اوك مشيناها
جا المرور و اول ما جا العسكري دقيت على واحد من الاصحاب بادارة المرور
ضبطنا اموره كلها لان الحادث مدري كيف زحلقت عليه السياره و شاله
كم شجره من زرع البلديه و ضرب في جدار تتبع لمنطقه عسكريه
بعد المعاناه هذي كلها دقينا على سطحه و شالت سيارتهم
و لحقنا سيارتهم الين نزلناها عند باب البيت و اخذت الورقه اللي اعطاه العسكري
على اساس اني اجيب له ورقة اصلاح و افكه من همها
تعرف لما.تسوي شي لوجة الله .. كيف ربي يحميك و ينجيك ..??!!
اعلمك وش صار
رحت لقسم المرور اللي خاص باستخراج ورقة الاصلاح و دقيت ع اللي اعرفه
هذا قال لازم يكون صاحب السياره معك
المشكله مسافه
من شهار للحويه يوووووه تقريبا 40كيلو
قلت ماعليه اروح اجيبه هو و امه لان السياره باسمها
رحت و الفاجعه لما وصلت الحويه
ان في نقطة تفتيش .. بس مو اي تفتيش .. تفتيش مباحث بلعت العافيه
و ربطت الحزام .. افتح الدرج  ي ولد فين البوك !!!!!!
بطايقي كلها فيها

مشيت و قلت بنفسي الله معي
وقفني و قال اثباتك قلت والله البوك كله بالبيت
اقسم بالله ي شباب انه مشاني ولا قالب كلمه وحده
السالفه هذي الساعه 1ليل
رحت اخذت الولد و امه و رجعنا و على ذلك مرينع من عنده و مشانا
و يوم وديهم و ابغى ارجع البيت لانهم مسوين نقطتين بنفس المكان للطريق
الرايح و للطريق الجاي
العسكري نفسه وقفني قال انت اللي ما معك البطايق قلت ايه
قال تدري ..?? اكيد مسوي شي طيب و قاعد تساعد احد ..??
قلت اللي كانو معي حصل لهم حادث و قاعد اساعدهم
قال يلا روح
اول ما شيت دقت امي تتطمن قالت وش صار قلت بطايقي كلها بالبيت
و كل ما.مريت من نقطه مشوني
قالت من ربك

ف الحمد لله ع كل حال ..
اذا انت مسوي شي لله مهما كان هالشي .. ف صدقني صدقني صدقني
ان امورك كلها بالف تمام


up 7 down 1
w176.amg 2014
قبل 6 سنه و 9 شهر



يالبى قلبك ياانيق 3>  

خيال الامس 

ماشاء الله عليك والله يجعلها في ميزان حسناتك 

وتفاتيش الطايف شديدين بزيادة مره 

استقعاااد 

نفسه يخلص دفتر المخالفات بأي طريقه 

الله ياخذ هـ الاشكال 

لا واللي يجيك بعد لابس البدله واصغر منك ويقعد ينافخ ويهايط عشان البدله 

هناااااااا جلطه


up 1 down 0
hmada1213 2020
قبل 6 سنه و 9 شهر



زمان عنك وعن مواضيعك الحلوه 

عن نفسي كثيييير انساها البطايق والرخص
مريت على تفاتيش بدون بطايق وماحد وقفني ( شكلي محترم ) :):) 

ممكن مره وحده طلبو مني الاستماره والرخصه تفتيش بعد معارض المعابده الساعه 2 بالليل 
والحمدلله كانت بطايقي معي ,,




up 1 down 0
ryan702 465
قبل 6 سنه و 9 شهر



ولكم باك انيق نور المنتدى
قبل امس اخد مخافه عدم حمل رخصه خلها على الله
اقترح اللي دايما ينسا محفضته يشتري الكفر تبع الجوال اللي تحط فيه البطايق سواء الرخصه او بطاقه الاحوال


up 1 down 0
jeep 4x4 215
قبل 6 سنه و 9 شهر



توي دخلت المنتدى وشفته منوووور

اثره انت

يالله انك تحي انيقوووه

وبالنسبه للعضويه الثانيه , خلها لين يجي وقتها , وشارك بهذي , بس لا تسحب عليها عاد وتغير رقمها , لا لا , بس اسحب عليها يعني لا تشارك بها وشارك بهذي , عشان تبدأ مثل باقي الاعضاء ولا يحسدونك وترا اتوقع   ابراهيم ما يقصدد


up 1 down 0
ابوخالد1397 2877
قبل 6 سنه و 9 شهر



يالبى قلبك عل هيييييييك موضوع يونس



حبيبي مره من المرات نسيت اثباتي بالبيت ومر علي ولد خالي وانا بالباحه قال ننزل السوق قلت قدام وفرفرنا شوي ولقينا ركاب يبون الطائف قال يالله خاويني قلت اوكي وتذكرت البطاقه وانا وسط الطريق

وانواع الضحك علي اهو والركاب قالوا الحين بيسفرونك اليمن ماعندك اثبات وولد خالي مزحه ثقيل وقال قسم لو شفت دوريه لقول ركب معاي تهريب وقال بعطيك الف ريال وانا وبنجنن ههههههه وحلفت بعدها لو بس اروح المسجد لاخذ كل الاثباتات بطاقة عمل وكرت عائلة ورخصة سواقه وبطاقة احوال واستمارات السياراه وعقد البيت وعقد النكاح هههههههههههههه


up 1 down 0
aboamani 1149
قبل 6 سنه و 9 شهر



ثم ضحك طويل العمر وقال اذهب يافتى هههههههههههه هذه تكفي من القصة كلها يسعدك يارب


up 1 down 0
أبو عوض 2012 226
قبل 6 سنه و 9 شهر