لديك رسالة على الخاص

قرأت موضوعك مرتين أخي و ما فهمت وش المشكلة

نعم اعرف
العظلات من مساعدات واذرعة ومقصات و جلد السيارة السفلية 
هل تتوقع بأن المذكور على منظر السياره بأنها بحالة ممتازة كما ذكر
الواضح من اعلانه بأن المكينه وحدها المتعطلة وباقي المحركات سليمة 
لكن بالنظر الى السياره تجد بأنها شبة تالفة بالكامل

بالنسبه لي الي يكتب رقمه ويقولي اتصل علي شي عجيب صراحه استغرب هل شخص مثل ذاجادبالشراء !!مستحيل الرجل الراغب بسلعه مأ بيتصل عليك ولومانت حاط رقمك بيدورعليه في ردودك وترى الصامل الشراي مايسوم على العام وغلطان الي ياخذاصلابسوم الموقع دق على الرجال بنفسك وتفاهم معاه بالاخيرلك مخ حتى لوقال سيمت بالمبلغ الفلاني لازم انت اصلاالمفروض عارف سعرها ويكون للك لمت محدد ماتتجاوزه لانه اكثرمن كذاتعتبر غاليه الالوراغب وبتستخدم مده طويله ادفع فرق الف الفين مافي مشكله

الكابرس الصابونه و الكابرس اللي قبلها
من الشكل واضح انه لا عمل لها صيانة ولا شيء بشكل السياره هذا مستحيل يغير العضلات فيها ويرجع يعرضها
ارجع دقق بالصور وتعرف معنى كلامي بأنه فعلا سيارات مهلوكة من شكل السياره ووقفتها 
فكيف تكون العضلات بحالة ممتازة
المقصد بأنه هو و غيره يبالغون بمدح السيارات وعلى الواقع مختلفة تماما
هو مجرد مثال فقط

ياعيني عليك يا العميل z1 كلام منطقي وكبير وانا هاذي السياسة اللي متبعها مع موقع حراج في حال اني بغيت اشتري مع اني ما تواصلت مع ناس كثيرة لقلت شراي وبيعي في السيارات لكن اشوف ان هالطريقة انسب طريقة اما اللي يقول لك رسالةعلى الخاص وردلي على الخاص هاذا كذاب ويطقطق ولا الصامل واللي يبي الموتر ويشوف انه يستاهل يرفع السماعة ويتفاهم مع الرجال ان شاف كل اللي عورض عليه مناسب له كسعر ك سيارة يقول بقابلك في اقرب وقت ممكن ... تقبلوا مروري

ياخواني اذكرو الله وصلو على النبي
اذا سمنا على الخاص طنشونا اهل المواتر
ويردون بعبارة اثبت سومتك في صفحة الموضوع برقم جوالك
نحط سومتنا برقم الجوال ياانهم يزعلون يايطنشون ويقولون يسوى اكثر
وان سمنا بالعام وحطينا ارقامنا لمتونا طيب ايش نسوي يعني ؟؟
عطونا حل وارسو لكم على بر ياخوي والله العظيم سومي على العام
ماهو فشخره ولا كذب ولا هياط اصحاب الاعلانات يبغون كذا
يا اخي لاي معلن الحق في تكذيب اي سومه يسومها احد ما
ويكتب على العام من حقه ويراسل ادارة الموقع بالعظوية اللي تسوي
الشيء ذا .

لاكن اللي يجي يقول 5000
لموتر يسوى 100.000
هذا ايش وضعه بالضبط

واللي تعطيه سومة دقيقة جدا لموتره
وتتفاجئ برد بايخ وكانك بخست حقه
ويلومك ويرسل على الخاص زعلان
وان قلت له ككلام البيع كم يقول لاعلى سومه
هههههههههههه والله ماعرفنا للمعلنين
مير الله يصلح الاحوال
تحياتي للجميع واسف على الاطالة

اما مسألة اني أجري وراه
واذا ماحط رقم وقال وسيلة للاتصال العام والخاص؟؟
واذا راسلته وجلست اسبوع بعدها يدق عليك؟؟
لا ياخوي اسدح رقمي ناسبه السعر مرحبا به
ماناسبه مانقص مني شي الشراي ماينزل عن سومته
هذا الشيء اللي اعرفه من 17 سنه
وقولة لك رسالة بالخاص انا عن نفسي اكتبها
لو كان الموتر موصي عليه احد من خارج الموقع
او شافه بالموقع ومعطيني سعر محدد فوق قيمة السيارة
اكتب السعر على الخاص لانه لو ماوافق بيكون اكثر من
حق السيارة وللاسف ياما نصحت زباين من طرفي
ويردون انت تشتري وتدور فضل الله حنا بنقنى وماتفرق
مع القناي لاالفين ولا ثلاثة وفي الجيوب خصوصا
لاتقول للعاشق الازيد