أضف سؤال أو موضوع جديد          

شباب قررت ابيع سيارتي واشتري لاندروفر ..ممكن تفيدوني عنه

up 1 down 2
siaf 348
قبل 10 سنه



السلام عليكم 

اسعد الله مسائكم

اخواني الأعزاء قررت ابيع سيارتي الفورتشنر وحطيت له اعلان في الموقع

وتحيرت في السيارات 

ما بين التاون كار والباجيرو والأكسبلورر 

ولكن جاء في بالي فجأه اللاند روفر LR3 2007 

وش رايكم باستخدامه وصبره وصيانته واسعار قطع غياره 

يرحم والديكم ابغى معلومه اكيده ولا ابغى كلمة يقولون 

علما اني ساكن بالطائف 

على كل حال انا اللي ابغاه في السياره الراحه والقوه والخدمه الطويله 

والله ما ابغى ابيع الفورتشنر الا عشانه بدون مثبت سرعه + ودي ارتاح شوي في سفرياتي


وايضا تكرما منكم عطوني ارائكم في الأكسبلورر 2010 او الدورانقو 2010 او اي سياره تروها مناسبه لي 


تحياتي لكم 
محمد بن سياف / ابو عبدالله







إبلاغ إبلاغ



الردود


لا تشطح واجد

من فورتشنر الى لاندروفر ؟؟؟

اذا مره بتكشخ بعد الفورتشنر خذ جيب مازدا او جراند شيروكي 


شوف لك الجراند شيروكي او الدورانقو 

ماهي بعيدة عن اداء و قوة اللاند روفر 

لكن اللاندروفر قطعه غالية مقارنة بالبقية و مقارنة بالفورشنر فرق شاااااسع


up 4 down 1
alkathiry 706
قبل 10 سنه



خذلك تاهوؤ وهو غني عن التعريف . قوه وخط وراحه


up 5 down 3



خذلك تاهو او يوكن اشوف انها من وجهة نظري الافضل


up 4 down 2
ابوخلوودي1 5070
قبل 10 سنه



تبي تبيع الفورتشنر  علشان مثبت السرعه فقط
وتشتري  اكسبلور   او   لان روفررر

علشان   توقف المثبت  في  الورشه  والتشاليح   وتدخل في دوامه   ماتطلع منها الا ان يشاء الله

نصيحه   خلك ع  موترك الفوتشنرررر   اللي انت عارفه  وخابره  ولايتعبك بالورش  وقلة الحيا

الا  اذا  كانت  عندك  استطاعه  ماليه قويه  انك  تتحمل  التكاليف الباهضه  والورشات    ونصبها   
هذا شي ثاني


up 3 down 1



ماتنفع السيارات الانجليزيه كل ماتقدم كل ماتزيد اعطالها هذي حقت واحد الله منعم عليه يفكها جديده وأول مايخلص ظمانها يقشها

انا موضد السيارات الانجليزيه لكن اذا بتستخدمها استخدام يومي ماتنفع لوفي سياره ثانيه عندك وتاخذ الجيب للطلعات تمام لكن كالسياره اساسيه والله بتتعب معاها


up 3 down 0
قودزيلا -63
قبل 10 سنه



احسنتم جميعا 

وأسأل الله ان يختار لي ولك كل خير


up 0 down 0
siaf 348
قبل 10 سنه



خلك في المضمون باجيروا والله انو افضل خيار لك واترك عنك السيارات فخمه

 صحيح الواحد يدلع نفسه بس ويش الفائدة قطع غياره نار + صيانته معقدة + ماحد حولك بالصناعية 


up 0 down 1
has90has 253
قبل 10 سنه



يابو عبدالله انت تعودت على الفورتشنر وتحمله وصبره على الكرف مع ان الفخامه فيه معدومه 

فنصيحتي لك تاخذ موتر قريب من الفورتنشر شوي زي الباجيرو والاكستيرا خصوصا اذا كانت رجلك حاره على الموتر

اما الاكسبلورر اقل تحمل منهم لكنه بالراحه يتفوق عليهم  ، وماظنتي ان الدرانجو والاندروفر تصلحلك لانها حسااااسه جدا 


up 0 down 0
ابو هيثم 7 2260
قبل 10 سنه



انصحك بجيب مازدا CX9 
عن تجربة سيارتي ٢٠٠٩ نفس مكينة الفورد ايدج والتورس 
واغلب القطع الميكانيكة تتشابه

ما شاء الله نشيطة وفخمة من ناحية الرحة والصوت والخدمات ..
الفل بصمة وجلد وشنطة شفط وجنط ٢٠ ونظام الصوت boss
٣صفوف مقاعد وتقدر تثنيها وتكسب مساحة حلوة
سعرها جديدة الفل باقل من ١٣٠ الف 
والمستعمل ٢٠١٠ او ٢٠١١  تتراوح اسعارها حسب النظافة ٤٥ الف الى ٦٥ الف 

والخيارت حولها الفورد ايدج والهونداي سنتافي والجيب الدرانجو والقراند شيروكي والباثفندر والخ ..

اليوكن والسيارات الكبيرة مناسبة للعوائل الكبيرة وفي الخطوط
لكنها متعبة داخل البلد بسبب الحجم واستهلاك البنزين

و الرنج سيارة رائعة ومركب شبوخ لما نتكلم على السبورت او الفوج ,,
لكن LR3 ماهي منتشرة هنا ولا فيها ذيك الفخامة وبيعها ثقيل  
وصعب صيانتها والوكيل مبالغ بشدة في اسعار القطع 


لكن في الاخير الناس اذواق
وكل واحد يركب الي يريحه ومقتنع فيه 
واذا ربنا موسع عليك وخاطرك باللاند روفر ...
 عيش حياتك وجرب 
ولا تطب الا بشي نظيف 

والله يرزقك ويرزق الجميع من واسع فضله
 بفضل هذه الجمعة المباركة 


up 2 down 0
ابومحمد6666 -2
قبل 10 سنه



صوتك وصل يبو محمد 

المازدا ما هو في بالي نهائيا واحترم ذوقك و شخصك الكريم 

طبعا السؤال هنا ليه اللاند روفر بالذات ... الجواب لأنه كما يقال انه عملي ومتجرد من المواصفات والكماليات الغير 
ضروريه ... ولكن شلته من راسي الى غير رجعه ما حصلت من يشتغل فيه بالطائف ولا 
حصلت له قطع غيار برضو

تقريبا انحصرت اﻷختيارات على اﻷكسبلورر والباجيرو والفورتشنر ال V6 
لكن انتظر بيعة سيارتي والله ييسر اﻷمر 

واشكرك يبو محمد على مشاركتك ولا يهونو بقية الشباب 
هكذا وسلامتكم


up 0 down 1
siaf 348
قبل 10 سنه



انصحك خذ نفس موتر تماتيك فل كامل


up 1 down 0
ابوالحيادر 21
قبل 9 سنه و 12 شهر



وهو هذا اللي بيصير ان شاء الله


up 0 down 0
siaf 348
قبل 9 سنه و 12 شهر