مقارنه في بعض السيارات

صراحه ما فهمت ..
انت قاعد تفيدنا بطرحك للمعلومات بصناعة كل السيارات المذكورة وبأي بلد ؟؟
ولا تبي راينا بالسيارات ؟؟

سيارات البيجو كانت صناعة قوية جدا تقريبا عام 1970 و كانوا بستخدمونها دول شمال افريقيا بكثرة و يقطعون بها الصحراء 
الكبرى ولكن الان في وقتنا الحالي صارت فاشلة ولا تتحمل و طبعا مهوب انا اللي اقوله لاني اشوف برنامج بريطاني 
عن السيارات وكانوا يتكلمون عنها و يقولون انها سيارات فاشله

و اما السوبارو و الميتسوبيشي ما اشتهر عندنا لسببين الاول الوكيل فاشل و الثاني ما فيه دعايات و تسويق 
لاني ما اذكر ولو مرة وحدة اني شفت في التلفزيون اعلان لهاذي الشركات

 

جزء من السبب في عقليه شعبنا ... حصر نفسه في اربع او خمس شركات
مع الخيل يا شقرا فلان اشترى موتر اشتري زيه
بالنتيجه اغلب سوق مراكز الصيانه ومحلات قطع الغيار برضه صارت للشركات المحدوده هذي

والجزء الثاني على الشركه المصنعه
الوكيل عندنا ماله دخل كل اللوم على الشركه
عندك بلد عدد السيارات فيه اكثر من عدد الشعب نفسه
تروح تسلم سياراتك لوكيل ما يخدمك ولا يخدم ماركتك
تدري انه في سنه ٢٠١٤ اعلى شركه في مبيعات السيارات كانت الفولكسواجن
وان الفولكسواجن ثالث اكبر شركه بعد تويوتا وجنرال موتورز

طيب شركه بهذا الحجم تروح تسلم سياراتها وكيل مو معترف الا باربع مدن بالمملكه !!!

كثير من السيارات الجباره مو منتشره عندنا 
اصلآ اكثر السيارات المنتشره عندنا فاشله 
لكن سبب واحد يرفع السياره فوق او ينزلها تحت (( الوكيل)