أضف سؤال أو موضوع جديد          

رنج روفر سوبر شارج - سبورت - فوج

up 0 down 2
محمد الابراهيم 28
قبل 3 سنه و 9 شهر



السلام عليكم ورحمة الله وبركاته 
مساكم الله بالخير والعافية اخواني الكرام 
ماخاب من استشار أبي رايكم المجربين وأصحاب الخبرة فقط فقط لاهنتوا وماعليكم امر جميعاً 

مقبل على شراء موتر ومن احد الخيارات الرنج روفر سوبر شارج ٢٠١٠-٢٠١٢ في هالموديلات فئة السبورت او الفوج . 
كيف صيانته وقطع غياره ؟ هل مكلفة لدرجة كبيرة تفوق صيانة البي ام والمرسدس ولا معقولة مقدور عليها ؟
قطع غياره كيف وخراباته هل هو عملي ف الاستخدام خصوصا في اجواءنا الحارة جدا او لا ؟ 
بشكل عام تنصحوني فيه او لا ؟
وما أعلى فئة فيه ؟ السبورت سوبر شارج او الفوح مع الاسعار 
هل تنصحوني ابقى على خياري او اغيره لاسكاليد مثلا أو همر h2

الله يرحم والديكم جميعا والرحاء افادتي بكل امانة وصدق عشان لا اتورط فيه واكره عمري  لأني محتار جدا ولاعندي الخبرة الكافية فيه مع شكري وتقديري 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اذكر مرة في جدة على طريق الميناء درجة الحرارة ما يقارب الخمسين 

والشارع يمشي شوي ويوقف كل الناس رافعه القزاز ومشغله المكيف 

اللي لفت انتباهي رنج سبورت منزل القزاز وقاعد وسط الشموس والحرارة 

واخلاقه قافلة 

السيارة موديل حديث اتوقع ما بين 2012 الى 2014 


up 2 down 1
الصمت كبرياء 327
قبل 3 سنه و 9 شهر



انصحك تروح منتدى خاص لملاك الراج وخذ العلم من مجرب
لان اخاف يجيك واحد وينشبلك على المكينه والقير اهم شي تكون رخيصه
يمكن  مفكر كل سنه بتغير مكينه وقير مرتين او ثلاث 


up 3 down 0
شويخ من أرض مكناس 2822
قبل 3 سنه و 9 شهر



ابنصحك عن اللي جربته
اللي هو الهمر ابعد عنه نصيحه لوجه الله لعده اسباب
اولاً شكله قبيح جداً ثانياً عقيم مواصفات
رابعاً خرب على الدبل فيه وبعته بخرابه اسعار الدبل بالتشاليح اغلى من قيمة مكينته وقيره
خامساً موتر غثيث وثقيل بالمدينه وتحس انك راعي باص مدرسه بين العالم
طبعاً اذا خرب الدبل ع بالك يمشي الموتر ؟
انسى يتحرك شبر لأنه دفع رباعي مستمر ولا خرب يربض مكانه
اللي شراه مني وداه القطيف ورجعوه دفع خلفي شغل ترهيم في ترهيم


up 4 down 0
miz00 206
قبل 3 سنه و 9 شهر



الله يجزاكم ألف خير اخواني الأعزاء ماقصرتوا وفي انتظار الاخوة البقية . 

اخي الكريم صاحب الرد الاخير بخصوص الهمر غريب سمعت الكثير الكثير من اصحاب الهمرات الh2 يمدحوها وينصحوني بشراءها خصوصا ٢٠٠٨-٢٠٠٩ بعد تعديل بعض المشاكل وتغيير الداخلية والمحركات !! مدري الهمر الي كان عندك كم موديله ؟


up 0 down 1
محمد الابراهيم 28
قبل 3 سنه و 9 شهر



أولا الله يباركلك بالموتر اللي بتشتريه
ثانيا الرنج معروف يعتبر من السيارات الفارهه وصح انه موتر قوي وجبار بس زيه زي أي سيارة بيطلب صيانه 
يعني حتى وهو جيب ما يعتبر موتر بر ولا تطعيس زي اللاند روفر اللي معروف بالشي هذا
الرنج موتر فخم ورفاهيه وكل كهربا وتكنولوجيا وأي سيارة تكثر فيها التكنولوجيا أكيد بتطلب
وانت ناوي تاخذه وتفكر بقطع الغيار والصيانه ؟!!
الرنج برا بأوروبا تعتبر صيانته رخيصه وقطعه معقوله بس عندنا محد عندك الا قليل
وأسعارهم لك عليها
ان كان يهمك سعر الصيانه خذلك اسكاليد أغلب قطعه نفس الجمس وموتر يستاهل
وان كان يهمك الشكل والفخامه أكثر خذ الرنج 
واللي يبغى الدح ، ما يقول أح

بالتوفيق


up 3 down 0
Abu-Saad-212 389
قبل 3 سنه و 9 شهر



اخي الكريم صديقي موظف بمركز صيانة رنج ووقت اساله عن الرنج ايش خراباته 

قالي الشي الوحيد الي ما يعطل فيها هي المرايا طبعا قالها بتهكم 
يعني السيارة متعبة. ومزعجة بالصيانة 

وان تبي مر اي مركز رنج وافتح حديث مع اي موظف واسمع منه ايش الاعطال 
بالتوفيق


up 1 down 0
a m i r 551
قبل 3 سنه و 9 شهر



سيارة لايعلئ عليها
فخمة و انيقة
يعيبها بعض الجنسيات الي تسوي صيانتها

ترا مايحتاج صيانة الخربان صلحه وبس

لي رجعه علي موضوعك 


up 0 down 1
amabawazeer 1
قبل 3 سنه و 9 شهر



الرنج سيارة لايعلى عليها ابدا بشرط تفكه على يدك وإذا خلص ظمانه تبيعه بثلث ثمنه وتأخذ جديد آخر انا اشوف الرنج للطبقة المخمليه احنا حدثنا لاندكروزر وإذا شطحنا لكزس يعرفنا ونعرفه خذ لك جيب لكزس نظيف ورهمه مديل حديث وريح راسك لي تجربه مع الرنج سيئة جدا حتى فكني الله منه. واستبداله ب570 والحمد لله حتى الزيت أحيانا انساه


up 1 down 0
محب السنه 229
قبل 3 سنه و 9 شهر



شوف اخوي الرنج موتر للكشخه ممتاز لكن انسى انه عملي بيجيك واحد بيقول انا معي 2000 مثلا وللحين يمشي
هذي تمشي معك اذا مره مره مره معتني بالموتر الموتر خرابات ومكلفه قطعه وحقين الورش لا شافو يطلعون انيابهم 
يحسبونك بتدفع بتدفع بتقول غالي بيقولك لا يخرب الشي الفلاني لو ما صلحته الوالد كان معه bmw 745 وكانت عاجبته
لكن صيانه متعب وقطع غاليه شرا جيب لكزس وزي الحلاوه الحمدلله انصحك بجيب اللكزس موتر جدا جدا عملي
يا رجال تجلده ما يطلب ما عمري شفت موتر فخم وزيه صراحه انصحك فيه والقطع بمتناول اليد ومتوفره


up 2 down 1
محمد حمدان هلال 18
قبل 3 سنه و 9 شهر



انا من رايي بقيمة الي بتدفعه بالرنج مهما كان المبلغ 
احطها بسياره وكاله لو ان شاء الله اكسنت ولا اشتري مستخدم ابد

محاكيك مريت بنفس وضعك ابي اكشخ ومن بانوراما لجيي رنج وبعدين لكزس ٤٦٠ لكن ماتاخذ شهر ولا تحس نفسك عادي 
وجيبك مسكين بس ماغير تدفع بالخراباات والصيانهً
من بعدها صار عندي اقنعه ادفع مبلغ واريح راسي وسياره كرت وع الظمان وتركبها وانت مطمأن الف مره 
ولا اخذ مستعمل وكل ماتحركت فيها تجلس توسوس وتفكر لايخرب لايتعطل وايدك ع قلبكً


up 2 down 0
ابومحمد4800 138
قبل 3 سنه و 9 شهر



ووجهة نظر وقناعه شخصيه ارجو تقبلها .. موفق خير


up 1 down 0
ابومحمد4800 138
قبل 3 سنه و 9 شهر



اعلى فئة بالرنج اوتوبيوجرافي


up 1 down 0
mfh2009 321
قبل 3 سنه و 9 شهر