متى يتغير زيت القير ..؟

اتوقع يتغير على 60 الف

خليك من كلام الناس وشوف الكتاب حق الصيانه وريح راسك

الكتيب مكتوب١٠٠الف
علبه زيت بالوكاله تقريبا٧٣ريال

بترومين يقولي غير ع ٤٠من عندهم
قلت بجيب زيت من الوكاله رفض الفلبن
قال مافي 
وازعجني كل مره غسل مكينه كربون كثير اقوله لاشكرا
حتى الفلتر اشتريه من الوكاله ب١٥ريال اضمن وياخذون ع التركيب١٠ريال

انتبه من غسيل المكينه الداخلي يحطون زيت حق الغسيل = تخبط على طول وبنسبه لزيت القير لا تحط الى الزيت الموصا به في الكتيب وغيره في أي مكان

عندي موديل 2014 والتغيير كل 60 الف للسوناتا بوكالة المجدوعي ,, و اشوف التغيير كل 60 الف كيلو مناسب للمحافظه على القير بإذن الله.

الزيت يتغير كل 80 الف
غيرته عند الناغي اخذ 4 علب ونص سعر العلبه عند الناغي ب 93
الاجمالي مع شغل اليد ب 700 طبعا السعر مبالغ فيه لكن غيرته عندهم عشان اول مرا بس والضمان وكذا
المرا الجايه ان شاء الله اشتري الغلب منوعند كيا نفس العلبه بس بسعر 72 وعند اي بنشر ب 50
والفلتر مايتغير

زيت القير يتغير على 100 الف للاستخدام الشاق حسب كلام الكتلوج

طبعا عندنا بالسعوديه كل استخدامنا شاق حتى لو مسكت طريق سريع ومثبت السرعه على 120 ؟؟ الاجواء والطرق المكسرة لها دور بعد

على العموم انا غيرته بوكاله المجدوعي على 85 الف وطبعا عندهم نوعين .. الاول علبته ساء وسعر الحبه 20 ريال والاربع ب 80 .. والنوع الثاني اللي هو زيت طويل الاجل وبسبته حصلت هونداي على برائة اختراع ولون العلبه زرقاء ويتغير كل 100 الف لانه طويل الاجل

طبعا سعر العلبه 73 قبل الخصم وبعد الخصم يطلع ب 50 وعلى فكرة قيور هونداي بدون فلتر بس تفك الصرة وتعبي يعني اسهل من زيت المكينه وتقدر تسويها عند اقرب بنشر ب 30 ريال والشغله مايبيلها واحد محترف ..اذا انت خايف على موترك غيره بالوكاله وشغل يدهم ب 200 او اكثر .. على فكرة الزيت ابو علبه زرقاء ذا ينفع لجميع قيور هونداي 6 نمر موديلات 2011 وفوق كالسوناتا والازيرا والسنتافي والتوسان .. اما الالنترا والاكسنت ماعندي علم عنها

طبعا اسم الزيت ابو علبه زرقاء ATF SP_IV

انتبه لاتخلط بينه وبين زيت ATF SP_iii

والزيت ابو علبه سوداء انحششش عنه ذا بالكاد يوصلك 60 الف عكس ابو علبه زرقاء اللي يوصلك 100 الف

واذكر الناغي كان يغير زيوت القير بنوع فاشل جدا جدا اسمه كاسترول ديكسرون وغير متوافق مع قيور 6 نمر

كل 60الف هو الافضل. كثير من الناس يشتكي من السوناتا 

لاكن ولد خالتي معه2014 ماشاء الله تبارك الله. 

ماشيه الان مايقارب ال400الف. توها ماوصلت 400

لاكن شفتها قبل شهرين 383الف. 

وزيت القير كل 60الف يغيره في الوكاله. اغلى بس اضمن 

وزيت المكينه. نفس الموصى به من الوكاله. ماهو كل فتره 

يدور نوع زيت ثاني او لزوجه اخف ومن هالكلام. 

يوم طلع السياره اصفار وكاله. يغير الزيت حقهم شل هيلكس 

ومايتعدا 4500/5000 ويغيره مع السيفون. 

وماشاء الله تبارك الله. ماعمره دخلها ورشه. الا لفحمات 

او بواجي. اشياء استهلاكيه. 

ياحبيبي متى مسكت معك وتبغ تغير زيت القير روح للوكاله او احجز لك موعد وقلهم ابي اغير زيت للقير سواء مشت اربعين اوستين .. المهم انها عدت سنتين معاك .. وربي يحفضك 

اذا مامشت او السياره وكاله فلابد تغيير الزيت كل سنتين لان له تاريخ انتهاء وبعضها ينتهي كل 3 سنوات اقرا الكاتلوج
انا غيرت علشان السياره واقفه سنتين