حكه في بدي السياره شبه عميقه

مافي حل جذري 
عندك الوكاله اذا بيسوونها ببلاش ويرشونها اكيد شغل نظيف 
وعندك او تروح محلات التجاليد حقت السياره زي ذولا الي يجلدون سيارتهم 
الوان اسود واحمر واصفر والحركات ذي .. وقول لهم ابغى قطعة جلاد ابيض صغيييره ويضبطونها لك مكان الحكان 
اذا تنفع بحيث يكون شي مو باين ومايبان الحك ويصير كأنه نفس البودي 
او تخليها زي ماهي ماعندك الا الرش بصراحة 

مو مستاهلة لأنه اذا سوها كان في الوكالة او الورشة حيضطر يرش جزء جزء كبير من الرفرف سويلها تنقيط مكان الجزء المقشور عشان لا يصدي احسنلك

تسوي لها شفط علشان العفطه اللي فيها . وبعد كذا تنقيط بويه بسيطه .
لان الرش ماتضمن يكون متناسق اللون وبعد فتره يصير جزء باهت وجزء يلمع وبتتنكد زود .
والله يعوضك خير .
بس حاول انك تأخذ تعويض منهم ع اساس بتصلحها برى الوكاله وهذا حقك علشان تجبر خاطرك بالتعويض وفقك الله

والله مشكله رنج وزي كذا الوكاله سولها شفط وتنقيط افضل حل ولاتنسى تحاول تاخذ تعويض

وين الشفط بالموضوع!!
عفطه تعتبر ربع اصبع مثل الدقات الي تجي بالسياره بالجوانب من باب السياره الي واقفه جنبك
هذي ماتنشفط حتى مكانها صعب
انتم شكلكم داخلين بالجوال للمنتدى عشان كذا ماتشوفون الصوره بشكل واضح

الحل تسويلها تنقيط واو ترش ربع الرفرف او كله
الاهم من هذا خذ تعويض اقلها يعطونك صيانه مجانيه
وحتى لو بتسويها عندهم اطلب تعويض مادي او صيانتين او3 على حسب المهم تكون مجانيه

كيف استخدام السياره بعد إذنك وكم الموديل وهل تنصح فيه 

لا احسن حل شفلك علبة بوية من محل البويات و عطهم رقم بوية سيارتك يسوون لك ربع علبة او نص حسب رغبتك و اشتر من جرير

او اي قرطاسية ريش الرسم و خذ ارفع شي عشان الدقة.  و روح البيت اغسل المكان عدل و نشفه عدل و نقط مكان القشعة و خلها يوم 

كامل لين تنشف.  شغلة سهلة تسويها بنفسك لا ورشة و لا خرابيط. 

انا ناوي ادخل الموتر لهم لاني سويت تلقيط لاكن ما ارتحت الموتر مافيه الا هذي وفي خاطري مشوه المنظر.

الحين خايف اعطيهم اياه بس يرجع لي الالوان مو متناسقه!! 

قالوا لي لا راح تكون متناسقه لان بنحط بعد المعجون و الرش شي اسمه ليكر عشان يتناسق مع اللون الاول 

خذ منهم تعويض نصيحه واترك الموتر كذا وحط لصقه ولا اي شي زينه عليها
ويومين وتنسى الحكه
افضل من ترش ومعجون عشان حكه
اهم شي خذ تعويض ولو رفضو كلم وزاره التجاره وخذ حقك