اللون المطفي للسياره - طريقته وأسعاره

12 4

لايمكنك التصويت حتى الحصول على 20 نقطة على الأقل
إضغط هنا للإخفاء

max_9ms 2356
قبل 12 سنه

السلام عليكم 

اليوم راح أعطيكم نبذه بسيطه عن اللون المطفي 
طبعا لون يعطي مظهر جميل للسياره وبخفي لمعه البدي 



وكثير يستفسرون هل هو ممنوع وماهي إجرائاته !؟ 


طبعا هـو ليس ممنوع بشرط يكون اللون المطفي نفس لون السياره الأساسي المسجل في الاستماره ،،، 

مثال كابرس لونه أسود وحط لها أسود مطفي هنا مافيها مشاكل وماراح يتعب مع المرور بإذن الله 



أما إذا كان لون السياره الأساسي أبيض وحب يحط لها أسود مطفي هنا راح تترتب عليها مخالفات وحجز للسياره وإذا كان يرغب بتغيير اللون بشكل دائم يروح المرور ويغير الاستماره للون اللي يبي وكل الاجرائات ماتكلف ولا 200 ريال لتغيير الاستماره وأسبوع من المراجعات تقريبا ... 



_ _ _ _ _ _ _ _ _ _ _ _ _ _ _ _ _ _ _ _ 



طبعا اللون المطفي اللي يوضع على السياره ينقسم لعده أقسام 

1 - تجليده صينيه وهي اللي متوفره عند محلات الزينه 

طبعا ميزته سعره رخيص ولا بعد ماتشيلها تلقى اثر للصمغ على البدي ويحتاج تلميع عشان يروح



2 - تجليده المانيه اصليه ومتوفره عند محلات التضليل العازل مثل 3m وتكلفتها عاليه نسبيا تقريبا 2500 لكامل السياره إذا كانت صغيره وأكثر من 3000 آلاف ريال إذا كانت كبيره مثل الجيوب 


وهذي ميزته جودته عاليه ويعطونك ضمان سنه وإذا بغيت تشيلها توديها عندهم ويفكونها لك وما تأثر على البدي 
عيبها سعرها غالي شوي 
 



3 - تشميع وهو متوفر عند محلات الزينه والإغلبيه يستخدمونه لرخص سعره ( من 40 - 70 ريال ) 


ميزته سعره رخيص ويروح بمجرد الغسل وماياثر على البدي بشرط مايطول أكثر من أسبوع أو اسبوعين

عيبه أنه بمجرد ماتلمسه يروح
 اللون 

 






الموضوع اجتهاد شخصي وأعذرونا على القصور

أخوكم max_9ms

إبلاغ

الردود